Mavzuni yozing — tayyor taqdimot (.pptx)
GPTBot.uz — mustaqil AI yordamchi, ChatGPT yoki OpenAI mahsuloti emas.
Studio tariflari: Kunlik — 5 900 so‘m, Oylik — 39 900 so‘m
Slayd AI bilan taqdimot qoralamasini tayyorlang va PowerPoint (.pptx) faylini yuklab oling. Bepul namuna — kuniga 1 ta, 6 slaydgacha. To‘liq taqdimot — pullik tarifda: 12 slaydgacha, 8 rasmgacha va ma’ruzachi izohlari. Kunlik — 5 900 so‘m; Oylik — 39 900 so‘m. Natijani tekshiring va o‘zingiz tahrirlang.
Qanday ishlaydi
Mavzuni yozing
Masalan, «Amir Temur davlati» yoki «Tabiatda suvning aylanishi». Taqdimot kim uchun ekanini — «O‘quvchi», «Talaba» yoki «Hamma uchun» — va slaydlar sonini (4, 5 yoki 6) tanlang.
AI slaydlarni yozadi
Mavzu qisqa tekshiruvdan o‘tadi, keyin sarlavhalar va bandlar o‘zbek tilida yoziladi, 2 tagacha rasm chiziladi. Odatda bu 30–40 soniya davom etadi — sahifani yopmang.
Faylni yuklab oling
«Yuklab olish (.pptx)» tugmasi faylni shu brauzerning o‘zida yaratadi. Uni PowerPoint, Google Slides, WPS Office yoki Keynote’da ochib, kerakli joylarini o‘zgartiring.
Bepul taqdimotda nima bor
- Kuniga 1 ta taqdimot. Har kuni Toshkent vaqti bilan soat 05:00 da yangi bepul taqdimot ochiladi.
- Titul slayd va 4–6 ta slayd: har birida sarlavha va 2–5 ta qisqa band.
- 2 tagacha rasm: buyumlar, binolar yoki tabiat manzaralari. Rasmlarda odamlar, yozuvlar va bayroqlar bo‘lmasligiga harakat qilamiz; tekshiruv shunday rasmni topsa, slayd rasmsiz qoladi.
- Bitta oddiy dizayn: o‘qilishi oson ranglar va yirik shrift.
- Ro‘yxatdan o‘tish va to‘lov kerak emas. Bot emasligingizni Cloudflare tezda tekshiradi.
- Ma’ruza matni (slayd ostidagi eslatmalar) bepul taqdimotga kirmaydi.
- Oxirgi slaydda taqdimot AI yordamida yozilgani ko‘rsatiladi.
Natija — qoralama
AI tez yozadi, lekin adashishi mumkin. Sana, raqam, ism va atamalarni darslik yoki ishonchli manbadan tekshiring. Taqdimot — ishning rejasi va asosi, topshirishga tayyor ish emas: unga o‘z fikringiz, misollaringiz va xulosangizni qo‘shing.
AI kitob va manba nomlarini to‘qib chiqarishi mumkin. Shuning uchun manbalar ro‘yxatini o‘qituvchi tavsiya qilgan darslik va kitoblardan o‘zingiz tuzing.
Slaydlar matni GPTBot.uz serverida saqlanmaydi: u faqat sizning brauzeringizga yuboriladi, fayl ham shu brauzerda yaratiladi. Matnni yozish uchun mavzu Z.ai (Singapur) AI modeliga yuboriladi. Rasmlarni Cloudflare Workers AI chizadi va tekshiradi. Bot emasligingizni Cloudflare Turnstile tekshiradi, brauzeringizda esa 1 yilga cookie fayli saqlanadi: u bepul taqdimotlarni sanash uchun kerak. Umumiy qoidalar — maxfiylik siyosati.
To‘liq taqdimot tarifi
Kunlik — 5 900 so‘m, shu jumladan QQS 12 % — 632,14 so‘m. Muddati — to‘lov tizimi to‘lovni tasdiqlagan paytdan boshlab 24 soat: 15-oktabr soat 14:00 da to‘langan tarif 16-oktabr soat 14:00 gacha amal qiladi. Tarkibi: 1 ta to‘liq taqdimot.
Oylik — 39 900 so‘m, shu jumladan QQS 12 % — 4 275,00 so‘m. Muddati — to‘lov paytidan boshlab bir kalendar oy: 15-oktabr soat 14:00 da to‘langan tarif 15-noyabr soat 14:00 gacha amal qiladi; keyingi oyda shu sana bo‘lmasa, muddat o‘sha oyning oxirgi kunida xuddi shu soatda tugaydi. Tarkibi: 10 ta to‘liq taqdimot.
Savol-javob
Taqdimot AI bepulmi?
Ha. Kuniga 1 ta taqdimot — 6 slaydgacha va 2 tagacha rasm bilan — bepul, ro‘yxatdan o‘tmasdan. Bugungi bepul taqdimotdan foydalangan bo‘lsangiz, keyingisi Toshkent vaqti bilan soat 05:00 dan keyin ochiladi.
Faylni qaysi dasturda ochsa bo‘ladi?
.pptx — PowerPoint fayli. Uni Microsoft PowerPoint, Google Slides, WPS Office yoki Keynote’da kompyuterda ham, telefonda ham ochish mumkin. Matnni tahrirlash uchun kompyuter qulayroq, ammo kichik tuzatishlarni telefonda ham kiritsa bo‘ladi.
Instagram yoki Telegram ichida ochsam nima bo‘ladi?
Ilova ichidagi brauzer faylni saqlamasligi mumkin, u holda bepul taqdimot ham yo‘qoladi. Sahifa buni aniqlasa, tugma tepasida «Brauzerda oching» degan ogohlantirish chiqadi: havolani nusxalab, Chrome yoki Safari’da oching.
Taqdimotni o‘qituvchiga shu holicha topshirsa bo‘ladimi?
Tavsiya qilmaymiz. Bu qoralama: faktlarni tekshiring, o‘z so‘zlaringiz va misollaringizni qo‘shing, slaydlarni o‘qituvchi so‘ragan songa yetkazing va manbalar ro‘yxatini o‘zingiz tuzing.
Nega ba’zi mavzular rad etiladi?
Bu vositadan maktab o‘quvchilari ham foydalanadi. Shuning uchun jinsiy mazmundagi, o‘ziga zarar yetkazishga oid yoki nafratga chaqiruvchi mavzular, shuningdek giyohvand moddalarni tayyorlash, topish yoki iste’mol qilish va qurol yasash bo‘yicha ko‘rsatmalar rad etiladi. Oddiy maktab mavzulari — tarix, davlat ramzlari, Konstitutsiya, urushlar tarixi, giyohvandlik zarari — ruxsat etiladi.
Nega rasmlarda odamlar chizilmaydi?
AI odam chizmaydigan qilib sozlangan: AI chizgan yuzlar ko‘pincha g‘alati chiqadi, tarixiy shaxslarni esa u noto‘g‘ri tasvirlashi mumkin. Shuning uchun rasmlarda buyumlar, binolar va tabiat manzaralari bo‘ladi. Har bir rasm tekshiriladi, lekin tekshiruv ham adashishi mumkin: rasmda odam, yozuv yoki bayroq ko‘rsangiz, uni fayldan o‘chiring va bizga xabar bering. Kerak bo‘lsa, o‘zingiz suratga olgan yoki litsenziyasi foydalanishga ruxsat beradigan rasmni qo‘shing.
Slaydlarni o‘zingiz tuzish, 6×6 qoidasi va ma’ruza matni haqida — slayd bo‘yicha qo‘llanma. Reja yoki ma’ruza matnini chat yordamida yozmoqchi bo‘lsangiz — GPTBot.uz bepul AI chati.
Biznesingiz uchun AI-bot kerakmi? Biznes uchun AI bot.